سوق الامارات التجاري

سوق الامارات التجاري (http://www.uaesouqs.com/vb/index.php)
-   سوق المنوعات (http://www.uaesouqs.com/vb/forumdisplay.php?f=187)
-   -   طريقتى الخاصه جدا (http://www.uaesouqs.com/vb/showthread.php?t=6354)

um easa 08-04-2009 06:33

طريقتى الخاصه جدا
 
السلام عليكم

الصراحه لاحظت انه هالقسم من المنتدى نايم مع انه اغلب العضوات بنات والمواضيع معضمها منقوله ففكرت انى احط فيه موضوع يديد .. وتميت افكر وافكر وافكر


اتصدقون انه ما طلع وياي شي



خخخخخ ادرى ودكم تفلعوني




لحد ما دقت علي ربيعتى تسألنى عن شي .. ورديت عليها وقلت خلنا احط اللى دار بينا عشان يستفيدون منه البنات


كنا نتكلم عن الكريمات والروايح الحلوه وخبرتها عن طريقتى وكريماتى اللى عاده ما اخبر حد عنها عشان اونه احتفظ بالسر

امممممم بعد الاستحمام مباشره مافى احلى من مجموعة المسك الابيض من بودى شوب احط الميلك على طول .. ساعات اغير الريحه بس هاذى معتمتنها من كم سنه وما اقدر استغنى عنها ..

وبعدين ارش من نفس المجموعه عطر للجسم مباشره .. وفيه منه ريحتين وحده عاديه وحده من المجموعه الصيفيه يعنى كنوع من التغيير ..

وعندى طبعا العطر للملابس احط منه عشان ازيد التركيز

وبعدين الله ايسلمكم اتدخين الشعر وهو مبلول بعود من الزين مب معطر وانتبهي بس شعر ... الملابس اتكون مدخنه بالعود من قبل ..

وآخر خطوه .. دهن عوود معتق من اجمل

جربو طريقتى وادعولى .. ما بتستغنون عنها وبتحسون عمركم على طول فريش

بحط لكم صورة الكريمات

http://www.uaesook.com/vb/imgcache2/11175.gif

وهذا دهن العود

http://www.uaesook.com/vb/imgcache2/11176.gif



واتمنى اذا حد منكم عنده طريقه احلى انها اتحطها عشان نستفيد كلنا


والسموحه منكم

شموخ الامارات 08-04-2009 07:21

مشكوررررررررررر عن المعلومات طررررررررو الحلووه والمفيده
انا بعد بسوي خلطة :sAng_stirthepot:
وبخليكم تجربونه وتخبرني شو استوا فيكم ههههه:biggr
واذا تعبتو بسرعه :ElLy_20060311211: للـــــ (( مستشفي سوق الامارات ))
والدكتوره شموخ بتعالجكم :hz:

ههه

um easa 08-04-2009 07:28

هلا والله صباح الورد حياالله النشاط والحيويه :156:

يالله جربى وخبرينى .. بس خلطاتج بليز خليها بعيد

مافينا على الخبال مال قسم الترفيه :biggrin:

Cute Princess 08-04-2009 09:53

مافي احلى من المالح يبيض البشره وينقيها ويخلي ريحتج واايد كوووول .. ما يقولون قلب الرجل معدته خلااص استوي مالح عسب يحبج .. :sLo_LoveCrazed:


واوووو طلعت فنتوكه انا بعد شيييييييييي .. :075:

يحليني الجمال 08-04-2009 11:21

السلاااام علييييكم والرحمهـ وبركاااتـهـ

صبااااح الخيــــــــــــــر

شحالج وشحالكم ؟؟!!!

انا عن نفســـي استخدم ملح الحليييب ريحتهـ جي حليييب يخلي البشرهـ نااااعمهـ وبيضهـ

وعقب ارش عليهـ بدي سبريييهـ وحلو ريحتهـ فرنسيهـ

وعقب انحط دهـــــــــــــــن العــــــــــــــــود ياللهـ اتخبل ع ريحتهـ

وسلامتكم

um easa 08-04-2009 11:32

شو مالح هاك اول الرياييل ايحبون معدتهم الحين المطاعم ما مقصره

واذا انتى مصممه اتسوين مالح حق زوج المستقبل نحن ما يخصنا اللى علينا انا انحذرج وانتى كيفج



يحلينى الجمال فديتج على هالردود الحلوه شو ملح الحليب اول مره اسمع عنه من وين اييبونه ؟؟؟؟

غــUAEــلا 08-04-2009 01:07

حلووة فكرتج

بس بخربج شي بعد حلوو انج تسوينه

فيه بعد بعض الزيوت العطريه تتحطى فالبانيوا .. وحتى بعد الرغوة العطريه .. وبعد املاح الافندر.. او الورد كل واحد على حسب الي يحبه .... طبعا التنويع حلوو كل مره سوي شي ودلعي نفسج


وانا احب التنويع يعني ما اثبت على ريحه وحده .. كل يوم بريحه جديده

احب ريحته .. البابايا .. والتوت.. والمسك .. طبعا من بدي شوب .. واحسن شي تاخذي المجموعات كامله ..

وفيه بعد مجموعه حلووه من مكياجي لونها احمر .. انا جربتها روووعه... ريحتها خطيرة..

واحسن شي تستخدم المجموعه مع بعض علشان الريحه تتركز أكثر

واللمسة الاخيره .. مناطق النبض في الجسم.. لازم نحط عليها عطر دهني عربي كل وحده والعطر الي تحبه

والدخوون ..
وفيه خلطه بعد للملابس تسونها حلوووه وايد طبعا قبلها بقتره .. تخلي المكان الي تروحي له يعرفون انج انتي زرتيهم <<ههههههه

هذي طبعا بس لزيارات الاهل وبس مب لسوق لانه حرااام

^_^


وسلامتكم

um easa 08-04-2009 01:49

فديت غلايه على هالمشاركه الحلوه اللى اكيد بنستفيد منها بجرب انا لانى مره جربت مب بودى شوب كريمات قراوله وكاكاو بس ما عيبونى وايد ..

وللتغيير عندى الفراوله والورد بس ما احبهم وايد احطهم من باب التغيير فقط

بجرب اللى اتقولين عنه وبخبرج

ريــــم 08-04-2009 07:05

انا عن نفسي احب امكس كل شي ...............

بس اليوم بخبركم بسر من اسرار نضارة ايدي ...

اجيب ملح اكل ....... و اخلطه مع عسل اصلي ... و احطة في غرشه ... هذا السكراب ... طبيعي 100%
تقدرين تفركين ركبج او الاكواع و طبعااا ويهج ..........

um easa 08-05-2009 02:28

هيه فنان هذا كنت اسويه قبل ذكرتينى فيه بس مب عسل احيد زيت زيتون ..


الساعة الآن 04:36 بتوقيت الامارات

Powered by vBulletin® Copyright ©2000 - 2018, Jelsoft Enterprises Ltd. Designed & TranZ By Almuhajir