ضيفتنا للاسبوع الثالث هي التاجرة المميزة (الحشيمة)...! - الصفحة 2 - سوق الامارات التجاري

موضوع مغلق
 المشاهدة 13235 الردود 47
أدوات الموضوع إبحث في الموضوع
  #11  
قديم 06-13-2012, 11:03
الصورة الرمزية مزنة العامرية
مزنة العامرية
مشرفين
مزنة العامرية غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

السلام عليكم ورحمة الله وبركاته ................

هلا اختي الحشيمة ............. أتمنى الاجابة على أسئلتي ؟

@ هل بديتي بالتجارة لأنج محتاجة أو لسبب ثاني ؟

@ اذا بغيتي تبكي ألحين .... على منو بتبكين ؟

@ هل تتعايشين مع الحياة على أن ( الحياة مرة وحدة بس)
أو اطيرين بالاشياء الحلوة وتطيحج فجأة الأشياء المرة ؟

@ بنظرج .... ليش الحرمة بالذات يوم بيسألها حد عن عمرها ماتقول أو اذا قالت بتنقص سنين ؟

@ هل لاقيتي صعوبة في بدايتج كتاجرة .... مثلا .... أول مشوارج طولتي كثير لين ما حصلتي شرايات
وهل اصابج احباط في البداية ؟


وجزيل الشكر على هذي المبادرة اللي ممكن نستفيد منها في حياتنا ..............................

  #12  
قديم 06-13-2012, 11:20
الصورة الرمزية الحشيمة
الحشيمة
الاعضاء
الحشيمة غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

اسئلة مزنة العامرية

السلام عليكم ورحمة الله وبركاته ................

هلا اختي الحشيمة ............. أتمنى الاجابة على أسئلتي ؟

@ هل بديتي بالتجارة لأنج محتاجة أو لسبب ثاني ؟


- سؤالج وايد مهم لانه الغالبية يفكرون الي محتاج يتاجر بس
بديت التجارة لانه ما قدرت اتحمل الجلسة فالبيت بعد الزواج لانه كنت اداوم وبعد الزواج كان شرط الدوام من زوجي مكان ما فيه اختلاط و طبعا شي نادر ما نحصله
ففكرت فالتجارة عن طريق النت و البلاك بيري مع النساء و كانت فكرة غير مدعومة من زوجي لانه فكرة غريبة الناس لازم تلتقي و تشوف البضاعه و جي
بعدين يوم بدت التجارة و الارباح اقتنع فالفكرة و صار يدعمني و يساعدني فشغلات وايد




@ اذا بغيتي تبكي ألحين .... على منو بتبكين ؟

حاليا مابا ابكي هههههههه بس ادا بكيت بيكون شوق لاهلي

@ هل تتعايشين مع الحياة على أن ( الحياة مرة وحدة بس)
أو اطيرين بالاشياء الحلوة وتطيحج فجأة الأشياء المرة ؟


اعيش بتفاول كبير و في اكبر المشاكل اقول ممكن في شي حلو قدام وتقريبا - الحياة مرة وحدة بس- اقرب لي من ثاني جملة


@ بنظرج .... ليش الحرمة بالذات يوم بيسألها حد عن عمرها ماتقول أو اذا قالت بتنقص سنين ؟

ههههههههه هدا السوال الي حير العلماء ادا فال 10 الى 20 تزيد سنتين
و ادا وصلت 30 يصير جوابها الاعتيادي 25 ههههههههه


@ هل لاقيتي صعوبة في بدايتج كتاجرة .... مثلا .... أول مشوارج طولتي كثير لين ما حصلتي شرايات
وهل اصابج احباط في البداية ؟

صعوبة اكيد الى ان عرفني الزباين و وثقو فيني وكله يجي مع حسن التعامل و الصدق فيه هل اصابني احباط ولالا ؟ لا عادي لانه كنت اشغل عمري ومب مستعجلة على البيع و الشراء
وشكرا لج على اسئلتج


وجزيل الشكر على هذي المبادرة اللي ممكن نستفيد منها في حياتنا ..............................
  #13  
قديم 06-13-2012, 11:49
غلا العطور
الاعضاء
غلا العطور غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

السلام عليكم

شحالج اختي الحشيمه

حبوبه مبي اتعبج بالاسئله وايد بس كم سؤال خفيف مب ثقيل

السؤال الاول : بخبرتج في التجاره البيع في النت افضل او البيع خا رج النت افضل؟

السؤال الثاني : عندج اطفال ؟

وسلامتج حبوبه
  #14  
قديم 06-14-2012, 01:08
الصورة الرمزية الحشيمة
الحشيمة
الاعضاء
الحشيمة غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

اسئلة غلا العطور

السلام عليكم

شحالج اختي الحشيمه

حبوبه مبي اتعبج بالاسئله وايد بس كم سؤال خفيف مب ثقيل

السؤال الاول : بخبرتج في التجاره البيع في النت افضل او البيع خا رج النت افضل؟

ادا عندج محل للعرض اكيد احسن وتدعمين بالاعلان على النت

السؤال الثاني : عندج اطفال ؟

لا ما عندي


وسلامتج حبوبه
  #15  
قديم 06-14-2012, 01:35
الصورة الرمزية موكا
موكا
الاعضاء
موكا غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

شحالج اختي
شو اطرف موقف صارلج؟
منو اقرب شخص لج؟
  #16  
قديم 06-14-2012, 03:02
الصورة الرمزية الحشيمة
الحشيمة
الاعضاء
الحشيمة غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

سؤال من موكا

شو اطرف موقف صارلج؟

وايد مواقف متخصصة انا فالمواقف المحرجة ههههههههههه

اااخر شي صار لي كنت في محل عطور و وايد اغراض فيدي
و قمت حطيتها كلها فالشنطة و خديت الفون بعد حطيته فالشنطة و اشيل عطر اخترته و بدل لا احطه في البسكت مال المشتريات حطيته فالشنطة ههههههههه و فثواني انتبهت و قمت شهقت و طلعته ورديت حطيتهه فالبسكت و فتحت شنطتي اتاكد لاكون حطيت شي تاني هههههههههههههه
و الشنطة متروووسة و ادرو ادور و اقول ياربي اكيد شافني حد الحين يوم بحاسب بيقولون لي هات الشنطة نشوف هههههههههه و باقي شوي و اروح اقول لهم والله بالغلط بس ماحد انتبه انا بروحي مسوية رعب حق عمري
وخديت العطر و انا كاهتنه بس عسب اوضح ان نيتي سليمة


منو اقرب شخص لج؟

زوجي
  #17  
قديم 06-14-2012, 11:20
البروفيسوره
الاعضاء
البروفيسوره غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

شخباركم جميعا :uaesouqs13339090412

سؤالي لج خيتوووو

شو نصايحج للتاجرات المبتدئات من ناحيه الركود او الخساره الي نمر فيها فاول من نبدا بالتجارة ؟


بوجهه نظرج فهالايام الناس شووو محتاجه عطيني افكار للتجاره :uaesouqs13339090413؟

وبث
  #18  
قديم 06-14-2012, 11:58
الصورة الرمزية الحشيمة
الحشيمة
الاعضاء
الحشيمة غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

البروفيسوره
شخباركم جميعا

سؤالي لج خيتوووو

شو نصايحج للتاجرات المبتدئات من ناحيه الركود او الخساره الي نمر فيها فاول من نبدا بالتجارة ؟النصايح بخصوص الركود : هو التنويع في الشغلات الي يتاجرن فيها لانه لها مواسم معينة يكون البيع مرتفع و مواسم مافي
مثلا الفساتين لها اشهر ومواسم اعراس
بينما الشنط و الاكسسوارات مالها مواسم نحب ناخدها في كل وقت ونحب نجدد
انا عطيت مثال بتجارتي
فالتنوع مطلوب لانه نفس التجارة قد تصير مستهلكة و توقف مرة وحدة

الخسارة : تجي غالبا من الاخطاء
اما عدم فهم الزبونة و عدم توضيح الصورة ويوم توصل الطلبية ما تتقبلها
حلها التوضيح و التعزيز بصور زايد انهاء البيعه بالتاكيد على الشكل و المقاس و اللون و السعر مع سعر التوصيل (( في زباين توقف البيعه معاهم لانك ما دكرتي انه التوصيل ب 25 درهم ؟ فلازم تكون الصفقة من اولها لاخرها واضحة مع ادق التفاصيل

اما عدم التزام الزبونة بالطلب و المماطلة
حلها التاكد من الشخص بطلب عربون للطلب اما رصيد واما تحويل بنكي و الشخص الي نيتع سليمة بياكدها لك وتاكدي انها مب ضياع للوقت او للبيعه لانه احسن انج تتعاملين مع 5 اشخاص موثوق فيهم على انج ضيعين وقتج مع 20 و كلهن ما يتسلمن الطلبية اخر شي
ملاحظة طلب العربون في اول صفقة لضمان الجدية بعدين تصير زبونج و يصير التعامل اسهل

اما عدم فهم السوق و المرغوب فيه و طلب شغلات غير مرغوبة
قبل الدخول فاي شي تصفحي كل المنتديات شو المطلوب شو المعروض شو الاسعار من وين احسن مكان وقارني بين الكل و استفيدي من تاجرات قبلج و شو الي مرغوب بعدها سوي تجارتج



بوجهه نظرج فهالايام الناس شووو محتاجه عطيني افكار للتجاره ؟

ادا انتي مبدعه في شي معين سويه لانه بتكوني منفردة فيه و بروحج ما عندج منافسة
مثلا في بنات يعرفون يسوون كاب كيك و الحلويات ولهم طريقتهم الخاصة خير مثال (فديتهم ) انا يوم شفت شو تسوي انبهرت و ادورها ابا اتعامل معاها

اما ادا مالك خلق انج تسوين شغلات تاخد وقت و تركيز فالتجارة مفتوحة لج في كل الشغلات النسائية لانه حنا ما نوقف مشتريات ههههههههه

اعطيج افكار معينة ما في بس كاجمالي اهتمامات البنات فساتين سواءا سهرة او يومية اكسسوارات شنط عطور لوشنات بخور شوزات ملبس مغربية
كل هالشغلات عليها طلب و تعاملي مع اي شي بدكاء يعني تابعي شو في السوق شو المطلوب بعطيج مثال :
من شهرين انتشر فلم حريم السلطان وجات موجة الكل يبا لباس حريم السلطان و اكسسوارات و كانت مبيعاتها وايد اوك

اهم شي السعر ما يكون مبالغ فيه و السلعه ما تكون رخيصة ككوالتي


وبث
  #19  
قديم 06-15-2012, 02:46
الصورة الرمزية ADMIN
ADMIN
ADMIN
ADMIN غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

ماشاء الله الجماعه ما قصروا


وماشاء الله على ردودج مرتبه و رزينه



بالتوفيق ان شا ءالله
  #20  
قديم 06-15-2012, 07:20
الصورة الرمزية الحشيمة
الحشيمة
الاعضاء
الحشيمة غير متواجد حالياً
افتراضي رد: ضيفتنا للاسبوع الثالث هي التاجرة المميزة (الحشيمة)...!

:uaesouqs13339079942 تسلمووون

الكلمات الدلالية (Tags)
(الحشيمة)...!, ., .., ..., ...!, 30, 4, 40, 6, 82, للاسبوع, للاعضاء, لمدة, مختلف, أسبوع, معانا, منتدى, لكم, المميزة, الأخرى, المواضيع, الاعتراف, الذي, الثالث, التاجرة, التجاري, التجاري..., الحين, الشروط, الإمارات, center, color, core, اكبر, تتفضل, بشكل, تقليدية, http://www, يبدأ, راح, سيتم, php, show, على, فكرة, هالاسبوع, واللي, وهناك, نوع, ضيفتنا, كرسي


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

الانتقال السريع

الساعة الآن 05:12 بتوقيت الامارات

Mobile Style/ Developed by: MafiawwY