خرابيط مال أول - سوق الامارات التجاري

خيارات سريعة تحميل الصور البحث
قائمة الأعضاء مشاركات اليوم
العودة   سوق الامارات التجاري > الاسواق التجـــــارية > سوق المنوعات
سوق المنوعات قسم يعرض جديد انواع السلع و المنتجات التي ليس لها قسم في المنتدى


خرابيط مال أول

سوق المنوعات

خرابيط مال أول

خرابيط مرابيط مال اول :biggrin: ايام أول... أيام أ نتشرت فيها الخرافة بشكل كبير..وهذا اللي محلنها \ / \ - بوبشير، وهو حشرة ضعيفة وطويله ولها يناحات طوال،

إضافة رد
 المشاهدة 1488 الردود 18
أدوات الموضوع
  #1  
قديم 09-05-2009, 06:21
um easa
زائر
Icon100207 خرابيط مال أول


خرابيط مرابيط مال اول خرابيط biggrin.gif



ايام أول... أيام أ نتشرت فيها الخرافة بشكل كبير..وهذا اللي محلنها


\
/
\

- بوبشير، وهو حشرة ضعيفة وطويله ولها يناحات طوال، كانوا يعتقدون إذا شافوه إنه يبشر عن ضيف قادم أو عمل ناجح او المطر راح ينزل .

\
/
\

- بو النقيع هو حشرة من فصيلة الخنافس، كانوا يمسكونها بإيدهم ويتمنون أمنية إذا نقع بتحقق الأمنية وإذا لا ما بتحقق.


\
/
\


- الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت.

\
/
\


- هاي حق اهل البحر بس إذا بتاكل السمجة لازم تقطع راسها قبل ما تبتدي فيها.


\
/
\


- تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.

\
/
\


- الماي مب زين ينشرب حزة الغروب، لأنه يمرض.


\
/
\

- يوم بتي ترقد لا تحط الماي عند راسك لأنه يخف نظر العين. حطوه تحت المخده


\
/
\

- كانوا يقولون رقاد العصر يقصر العمر.
\
/
\


- النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه وتكفيخ .ويقولون حرام اتم الجهة السفلية من النعال مجابلة السما لان فيها الله...(انزين والوسخ المكود ع الارض...ما يجابل السما؟)

\
/
\

- كانوا يدخنون بالشبه لأنه يطرد الحسد.


\
/
\

- كانوا يقولون إذا رفت العين اليمين خير، وإذا رفت العين اليسار شر.

\
/
\

- إذا كفك اليمين حكك يعني بتعطي حد فلوس، وأذا اليسار بتقبض فلوس(( أظني كل حد بيتمنى يده اليسار تحجه)).

\
/
\

- إذا خشمك (الأنف) حكك يعني بتسلم على شخص ياي من بعيد.


\
/
\

- إذا الأذن صاحت يعني حد يطريك يا بالخير أو بالشر.


\
/
\

- أذا كان شخص طالع وناديته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.

\
/
\


- الحرمه المربيه لازم ما تطلع من البيت ولا ينقال إلها خبر مب زين إلين ما تطلع من الأربعين.

\
/
\

- الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن، والسكين والملح عن الجن. طبعا اليوم يحطون حق عيال النيدو والسيريلاك تلفون متحرك وقنوات فضائيه وبلاي ستيشن .


\
/
\

- الياهل يوم يطلع من الأربعين لازم يسبحونه على ريول أبوه أو أي حد ثاني عشان يطلع على اللي مسبحينه عليه


اتمنى ايعيبكم الموضوع





**********



ovhfd' lhg H,g **** ***** ******* ******** ********* >>lh gHki gh.l gshk lah;g g;l biggrin hglhd hgH`k hggd hglo]i hggi hggi> hggi>> hggi>>> hgl,q,u hgl'v hghvq hgfdj hgfpv hgps] hg[k hgd,l hgslh hgulv hgudk hguwv hg'tg center hwphf color jgt,k fdjlkn fa;g juhg, dl;k dpt/i d,l d'v] dr,g,k vhp whpj sjdak aow ulg ugn udhg uahk uk] tdih ,gh ,gih k/v ,i`h ,',dgi qudtm 'fuh rfg ;fdv

رد مع اقتباس
  #2  
قديم 09-05-2009, 06:28
الصورة الرمزية ADMIN
ADMIN
ADMIN
ADMIN غير متواجد حالياً

ياربي

انا من مواليد 90

مالحقت على عاي السوالف

خخخخخخخخ

رد مع اقتباس
  #3  
قديم 09-05-2009, 07:08
um easa
زائر

هههههههههههههههههههههه

انا الله ايخلى الوالده وياي فى البيت ودوم تنبهنا على هالسوالف للحين

يعنى وايد منها القوانين سارية المفعول عندنا لين الحين خخخخخخ

وخاصة سالفة النعال والسما وعيالى ايطبقون كلام امهم العوده وهم فرحانين
رد مع اقتباس
  #4  
قديم 09-05-2009, 07:19
ورد الروح
زائر

احلى الايام السبعينات للـ 90

الله يعطييج العافيه ع الطرح المميز
رد مع اقتباس
  #5  
قديم 09-06-2009, 12:51
إلـيـآس
زائر

يعطيك العافيه على الخاربيط

أول مرا اسمعها
رد مع اقتباس
  #6  
قديم 09-15-2009, 02:48
أم راشد
زائر

الله يسلمج عزيزتي مشكوره ايدي اليسار تحكني
بسرعه
رد مع اقتباس
  #7  
قديم 09-15-2009, 04:52
يحليني الجمال
زائر

هيه والله صدقت مااااااااااااااااااااااااااااااااال اول

كانت يدتي دووم تقولها لنا.. الله يطول بعمرها ..


ويع قريت طيطار وانا اكره هالحيوان اعوذ بالله ( شكلي ما بنام كوابيس اليوم ) ما طيق اسمع او اقرا اسمة .


كله كوم وسالفه النمنم كوم


واشكرج الغلا ع الموااضيع الممتعهـ
رد مع اقتباس
  #8  
قديم 09-15-2009, 05:12
بنت الإمـــارات
زائر

هيه والله مااااال اول
بس حلوه كانت هذيك الايام
ومشكووره عالموضوع الحلو

:sFi_yeeha:
رد مع اقتباس
  #9  
قديم 09-15-2009, 06:13
قناص
زائر

موضوع حلو ورجعتينا وره

مشكوره ونتظر يديدج
رد مع اقتباس
  #10  
قديم 10-13-2009, 01:57
الصورة الرمزية خفايا جرح
خفايا جرح
الاعضاء
خفايا جرح غير متواجد حالياً

بعدهن العياييز للحين مصرات على هالسوالف
ومايحبن حد يجادلهن يعصبن
وانه انتو شدرااكم
تسلمين عالموضوع الحلو
رد مع اقتباس

الكلمات الدلالية (Tags)
****, *****, *******, ********, *********, ..ما, لأنه, لازم, لسان, مشاكل, لكم, biggrin, الماي, الأذن, اللي, المخده, الله, الله., الله.., الله..., الموضوع, المطر, الارض, البيت, البحر, الحسد, الجن, اليوم, السما, العمر, العين, العصر, الطفل, center, اصحاب, color, تلفون, بيتمنى, بشكل, تعالو, يمكن, يحفظه, يوم, يطرد, يقولون, راح, صاحت, ستيشن, شخص, عمل, على, عيال, عشان, عند, فيها, ولا, ولها, نظر, وهذا, وطويله, ضعيفة, طبعا, قبل, كبير


أدوات الموضوع
انواع عرض الموضوع

الانتقال السريع

الساعة الآن 04:59 بتوقيت الامارات

Mobile Style/ Developed by: MafiawwY